مقادير لقمة القاضي والطريقة بالصور للمبتدئات
نبدأ بسم الله احبتي في الله
3كوب دقيق و3معالق كبار نشا مع معلقه كبيره خميره فوريه ومعلقه سكر وذره ملح عشان الدقيق وبحط معلقه لبن بودره كامحسن لو مش عاوزااااه بلاش
وعشان عاوزين العجينه تخمر قوي وبسرعه هاعجنها زي ماتفقنا في موضوع الافكار في حافظه الطعام وهاعجن بميه دافيه والعجينه وسط مش سايبه ومش تخينه شايفين ماشاء الله خمرت تمام في ربع ساعه
هانزل بأيدي بقي واهبط الفوران ده وايدي الشمال في العجينه اقفلها قوي يطلع كوره عجينه بالشكل ده
وطبق فيه زيت ومعلقه صغيره اقطع بيها الكوره دي بالأيد اليمين وع الزيت ع طول وكرري الموضوع بسرعه زي الطعميه
والزيت يكون وسط مش سخن يحرقها قبل ماتستوي ومش بارد فما تنفش كويس معاكي
تاخد لون خفيف واطلعها في مصفي الاول
وبعدين اجمعها وافردها ع ورق سانويتشات او مناديل
ولما تبرد خالص ممكن اعبي منها كيس واشيله في الفريزر
او في التلاجه من تحت عادي لمده اسبوع او خمس ايام مش اكتر ولما احتاج ارجع احمره تاااني عشااان يكمل لونه ويقرمش وده سر القرمشه
ومن هنا بقي اطلع وهو سخن ع الشربااااااات عشان تشرب منه كويس
ونقول الشربات عباره عن 3كوب سكر +2كوب ميه ع النار من غير تقليب لحد مايبدأ يفور اعصر عليهم ليمونه واسيبهم في حاله الفوران 3دقايق واطفي
بس وبالهنا
^_^
موضوع اننا نقلي ونطلع يبرد ونقلي تاني ده بيدي قرمشه حلوه
وطبعا كمان المقادير والخطوات ونسيبها تاخد حقها في الخمر
ودرجه حراره الزيت كمان مهم جدا ولوحسيتي انه سخن قوي هدي النار
^_^
ليست هناك تعليقات:
إرسال تعليق