مقادير الديسير:
الطبقة الأولى
2 صفار بيض
2 ملاعق كبار سنيدة
2 معالق كبار ميزينا
روح الفاني أو البنان
ربع لتر حليب
تنخلطو الحليب (لي سبق لينا غليناه من قبل وخليناه حتى دفى شوية)مع المقادير كلها
ونديروه فوق عافية مهيلة حتى يعقاد ثم نديروه فكويسات وندخلوه للثلاجة
الطبقة الثانية
2 صفار بيض
2 ملاعق كبار سنيدة
2 معالق كبار ميزينا
ربع لتر عصير الليمون
طريفات ديال الخوخ
طريقة تحضير الديسير ساهل بالصور:
تنخلطو الليمون مع جميع المقادير ما عدا الخوخ ثم نديروه فوق عافية مهيلة مع التحراك حتى يعقاد،
منين يعقاد نطفيو عليه العافية ثم نزيدو طروفات ديال الخوخ
ونخويو الخليط فوق الخليط الثاني وندخلوه للثلاجة حتى يبرد
ونزينوه حسب الرغبة هاد المقادير راه تيخرجو هاد القياس لي فالصور يعني 4 كؤوس لي بغا كثر يدوبل المقادير
والطبقات تقدري ديري 3 طبقات تيجيو حتا هما زوينين على حسب المقادير لي متوفرة عندك
ليست هناك تعليقات:
إرسال تعليق