موقع نسوة يقدم بالصور
رغيفات رائعة في الفرن لرمضان
من الاخت مونى
رغيفات رائعة في الفرن لرمضان
مقادير رغيفات رائعة في الفرن لرمضان
نص كيلو دقيق
كاس حليب
ملعقة خميرة الخبز
فانيلا
خمارة
نص كاس الزيت
3 معاق سكر
ملح
بيضة مضربة
والماء عند الحاجة
طريقة تحضير رغيفات رائعة في الفرن لرمضان
نخلطو المقادير ونجمعو العجينة
وتكون لينة تتلصق فاليد ومعجونة مزيان
ونضيفو ليها ملعقة صغيرة زبدة لينة
نقسمو العجين الى 6 كريصات متساوية تقريبا
بمساعدة الدقيق تم نغطيوهم ببلاستيك
ونخليوهم يرتاحو 30 دقيقة تقريبا
نسرحو لكريصات ديالنا باليد باستعمال النشا أو المايزينا
للحصول على خبيزات صغار
ناخدو كل كريصة ونسرحوها مزيان بالدلاك مع رشات من النشا
تم نسرحو كريصة أخرى
ونوضعوها فوق الاولى دائما باستعمال النشا
نكملو باقي الكريصات بنفس الطريقة
للحصول على 6 طبقات
نرشوهم بالنشا ونسرحوهم شوية بالدلاك
ثم نلفوهم بهده الطريقة
ثم نقطعوهم بالسكين مثل الشنيك
نرشو الشنيكات بالنشا ونسرحوهم قليلا بالدلاك
ونوضعوهم في صينية الفرن مدهونة بالزيت
ندهنوهم بزبدة دايبة ونخليوهم يرتاحو قليلا
ثم ندخلوهم لفران يطيبو ويتحمرو
يمكن ان تقدم عادي او ترش بالسكر كلاصي
او تدهن بالناباج او العسل وترش باللوز او كاوكاو محمر مهرمش
او بالفرمسيل او بالكوك
فلكم الاختيار وحسب المتوفر
وهاهما رغيفات رائعة في الفرن لرمضان واجدين
بالصحة والراحة
