موقع نسوة يقدم بالصور
شباكية لسان الطير رائعة
من الاخت ام دعاء
شباكية لسان الطير رائعة
مقادير شباكية لسان الطير رائعة
3 كيسان فورص
نص كاس زبدة مذوبة
معلقة صغيرة خمارة الحلوة
ساشي فاني
شوية الملح
معلقة صغيرة خل
حليب دافي لجمع العجين
طريقة تحضير شباكية لسان الطير رائعة
طريقة تحضير شباكية لسان الطير رائعة
نخلطو المقادير كلها
وندلكو العجين مزيان
من بعد نشكلوها كويرات نغطيوهم ونخليوهم يرتاحو مزيان
فوق سطح مرشوش بالدقيق نطلقو الكرة الاولى بلمدلك حتى ترقاق
نخبزوها فمقلاة على 2 جهات غي تصهض يبقا لونها ابيض
نعملو نفس الطريقة لباقي الكراة
نلويو كل دائرة وفي آخرها
ندهنو بالماء مخلط مع الدقيق باش تلصق العجين
( نحاولو مين نكونو نلويو منزيروش لوية
نخليوها مرخوفة باش يدخل الزيت بين العجين )
نعملو نفس الشيء للباقي
ثم نقطعو كل حربل بمقص بشكل مائل
من بعد نقليوهم فالزيت سخون
نغمسوهم فالعسل المضاف اليه قطيرات ماء الزهر
ونرشوهم من الفوق بلكركاع مهرمش او اللوز او زنجلان
وهاهي شباكية لسان الطير رائعة واجدة
بالصحة والراحة
ليست هناك تعليقات:
إرسال تعليق